MEESTERSTUK!
Neville Goodchild
Wanneer Christene dink dat te veel genade mense meer sal laat sondig
Dag 1: Wat is die Nuwe Evangelie?
Ons ontdek in die boek Romeine wat Jesus self vir Paulus geleer het. Paulus noem dat hy nie by die ander dissipels omgegaan het nie, sodat Hy die suiwer evangelie wat Christus Jesus Self aan hom gegee het, kan verkondig sonder ander leringe wat hierdie boodskap onsuiwer maak.
Wanneer ons na die Bybel kyk, sien ons dat die Bybel ’n samevoeging is van die ou verbond en die Nuwe Testament. Van die eerste boeke van die Nuwe Testament is nog nie die nuwe verbond nie. In werklikheid begin die goeie nuus van die Evangelie van Jesus Christus die oomblik toe Jesus opstaan uit die dood. Die nuwe verbond is ’n ooreenkoms gesluit tussen Jesus Christus en Vader God, en ons is die erfgename van hierdie testament. Ons is aan die ontvangskant van die sekuriteit en die beloftes van hierdie testament.
Tog sukkel ons dikwels om hierdie Nuwe Testament, waarvan ons erfgename is, te verstaan en wil ons ’n verkeerde teologie om dit bou, omdat ons nie die waarheid ken en verstaan nie. Dan wil ons sê jy moet dít doen, of dát doen en só maak om ’n “regte” Christen te wees – net soos in die Ou Testament. Ons redeneer dat slegte gebeure God se straf is en dat bekering nodig is. Sommige redeneer dat die droogte en die vuur as straf toegedien word vir ons sonde. Ons dink dat alles, Ou Testament sowel as Nuwe Testament, evangelie is.
Jesus is gebore onder die wet en Hy het die hele wet en die profete kom vervul. Sy lewe was onder die wet en sy opdrag was om die wet te vervul en die vloek van die wet te breek. Die oomblik toe Jesus opstaan uit die dood, begin die Nuwe Evangelie. Jesus het alles vervul en alles afgehandel en daarom is daar niks wat ons nodig het om te doen onder die wet nie. Ons is vrygemaak deur Christus en staan nie meer onder die wet nie. Aanvanklik is daar ’n “ja” van my kant af nodig, want God is ’n verhoudings-God. Dus, as ek ja gesê het vir Jesus, dan is die erfgenaam-porsie ʼn deel van my lewe. Wanneer ek ontdek dat ek vry is en dieselfde Gees in my het as waarmee Jesus uit die dood opgestaan het, begin ek genade en vergifnis verstaan. Dit is nie uit verdienste nie, want ek verdien dit nie. Ek kan myself nie red nie. Maar, God se Genade is groter as my swakhede en omdat Hy my red, kan ek my hande ophef na bo. Ek kan dus verstaan dat my verlede, deur God se groot genade, in die verlede is. Ek kan gee uit hierdie genade, nie uit die wet nie. Jesus Christus het elke vloek aan die kruis gebreek. Ek hoef nie bang te wees oor my verlede nie. God straf nie meer nie. Indien ek die gevolge dra van my dade van die verlede, gee God vir my wysheid en krag om dit te hanteer.
Lees:
Mediteer:
- Is daar tye wat jy wonder of God jou straf? Hoe vergelyk hierdie vraag met Ef. 2:8-9?
- Wat is die verskil tussen die ou verbond en die nuwe verbond?
- Wat moet jy nog doen om deel te hê aan die Genade-offer van Jesus Christus?
- Het jy al “ja” gesê vir Jesus Christus?
Bid:
Here, U het soos ’n offerlam gehang aan ’n stuk hout, sodat ek God se oorvloedige Genade in my lewe kan ontdek. Dit wat U bewerk het, sukkel ek om te verstaan. U het dit gedoen nog voordat ek gebore is, sodat ek ’n kans het om te ontdek Wie U is. U maak bemoeienis met my. U roep my op die naam en al wat U vra is dat ek “ja” moet antwoord en dat ek sal aan aanvaar wat U gedoen het. Dat ek sal aanvaar dat U alles reeds betaal en afgehandel het vir my. Dat ek, nog van altyd af, net by U genade, barmhartigheid en liefde ontvang. Vandag sê ek ja! Ja, Here! Ja, hier is ek, ek ontvang U Jesus Christus as my Verlosser en Saligmaker! Ja, met my hele hart. Ja!
Bonus: Spreek Lewe!
God se Genade is so oorvloedig, so GROOT, dit is te goed om waar te wees! MAAR, SY GENADE IS SO GROOT EN DIT IS WAAR!
Aanbidding:
Broken Vessels (Amazing Grace) – Hillsong Worship
Dag 2: Te veel genade
Ons redeneer dat Paulus sê hy sukkel om die regte dinge te doen en daarom kan ons maar voortsukkel en ook nie dinge reg doen nie (Rom. 7:15).
Dit is glad nie wat Paulus bedoel nie.
Wat sal ons dan sê? Sal ons in die sonde bly, dat die genade meer kan word? Nee, stellig nie! Ons wat die sonde afgesterf het, hoe kan ons nog daarin lewe?” (Rom. 6:1-2)
As 'n mens na die konteks van die brief kyk, skryf Paulus dat jy dit nie gaan regkry sonder die Heilige Gees nie. Jy gaan dit nie kan regkry en aanhou regkry as jy sonder God se genade probeer nie. In Romeine 7 sien ons hoe lyk 'n lewe sonder Gees wat God probeer behaag. In Romeine 8 praat Paulus van die Heilige Gees. Hoe 'n mens, wat in Jesus Christus is, se lewe lyk. Wandel in die Gees en dan kan jy veroordeling hanteer.
Sommige van ons het 'n wanpersepsie van genade en hoe God genade sien. Ons het hierdie idee dat te veel genade mense gaan toelaat om roekeloos te lewe en aan sonde oor te gee. Die waarheid is dat genade juis God se bevrydingsmodel is!
Lees:
Mediteer:
- Hoe sal genade mense laat sondig as genade juis Jesus Christus se model is om mense vry te maak?
- Waarvan het God jou al uit sy oorvloedige genade vrygemaak?
Bid:
Here, ek weet waar ek was en ek weet ook waar ek sou wees as dit nie vir u genade was nie. Dankie dat U my lewe red en ook 'n groter plan vir my lewe het as redding net vir myself. Dankie dat ek uit dankbaarheid ook ander kan bedien met liefde en genade wat U so oorvloedig aan my gee, elke dag. Dankie dat u genade my vrymaak en vrygemaak het. Ek loof U Hemelse Vader. Amen
Bonus: Spreek Lewe!
Die wet het bygekom om die oortredinge nog meer te maak; hoe meer die sonde geword het, hoe oorvloediger het die genade geword. Die doel was dat, soos die sonde deur die dood heerskappy gevoer het, die genade deur die vryspraak ook heerskappy kan voer en tot die ewige lewe kan lei deur Jesus Christus, ons Here (Rom. 5:20-21).
Aanbidding:
Grace To Grace – Hillsong Worship
Dag 3: Afgehandel
Die vrou wat tydens owerspel betrap is, was bekend as ’n prostituut. Sy is op heterdaad betrap, gegryp en weggesleep terwyl almal toegekyk het. Daar is sy op Salomo se marmervloer in die middel van die kring mense voor Jesus gebring, waar Hy besig was om in die tempel te preek. Die Fariseërs en die skrifgeleerdes het die geskrifte geken. Hulle het geweet wat al die wette en voorvereistes behels. Hulle het geweet dat God die wette op klip geskryf en dit vir Moses, hulle voorvader, gegee. Hy het dit tweekeer gedoen. Hulle het Jesus gevra om te sê wat met hierdie vrou moet gebeur. Indien Jesus sou sê dat hulle die wet moet verontagsaam, het hulle genoeg getuienis teen Hom gehad om Hom aan te kla. Hulle het juis ’n manier gesoek om hom te uitoorlê. Sou Hy saamstem dat sy gestenig moes, het hy homself weerspreek teenoor dit wat Hy tot nog toe verkondig het. Jesus het afgebuk en op die klip geskryf, net soos sy Pa. Hy het opgestaan en gesê, “Laat die een van julle wat ’n skoon gewete het, eerste ’n klip op haar gooi.” Daarna het Hy weer gebuk en op die grond geskryf (net soos Sy Pa). Jesus het met een sin die probleem opgelos wat sonde en die wet gebring het. Sonde onder die wet bring dood. Hy spreek die vrou toe vry van haar sonde, sonder dat sy dit verdien het. Met Romeine 8 gebruik Paulus ’n hele boek om dit vir ons te verduidelik. Dit wat Jesus aan die kruis vir ons kom doen het, was genoeg! Ons hoef niks by te voeg nie!
Lees:
Rom. 7:15
Rom. 8:14
Mediteer:
- Enige iets wat ons nog probeer byvoeg by die genadeboodskap, by dit wat Jesus Christus aan die kruis vir ons kom vervolmaak het, beteken dat ons Jesus Christus ’n tweede keer kruisig. Om te sê dit is amper genoeg, maar ons moet nog dit of dat doen, is nie God se woorde nie. Wat ons Vader sê is, “Dit is genoeg”. Jesus bevestig: “Dit is volbring!"
- Hoekom sê die Woord hulle het die vrou in owerspel betrap? Sy was dalk naak en skandelik geklee waar sy voor Jesus kom staan het: skaam oor alles en haar sonde bekend aan almal. Nie een keer verwys die skrif na hoe sy geklee is nie. Die Here gee hier vir ons lering oor die kleed van geregtigheid. Hy sal jou klee met sy geregtigheid!
- Die Here sê, “Ek sal jou straf, Satan, Ek wat Jerusalem my woonplek gemaak het, sal jou straf. Hierdie man/vrou is soos ’n stuk hout wat uit die vuur gered is..." Vir Jesua het hy gesê, “Ek het jou jou oortredings vergewe en Ek gaan vir jou skoon klere aantrek.” I will clothe and beautify you with rich robes (Sag. 3:2-4).
- For He put on righteousness like a coat of armor (Is. .59:17)
- Oorvloedige genade is die geskenk van geregtigheid. Dit is genade wat ons nie verdien nie en genade wat ons red. Genade is die kleed. Jesus Christus sterf naak aan die kruis en bedek ons skande, sodat ons geklee kan wees in sy geregtigheid!
- Jode bid in die tempel en vra dat Jesus die mense moet stilmaak. Dit is wat veroordeling bring. Dit maak jou blind vir Jesus. Jesus staan voor hulle en hulle herken Hom nie as die Messias nie. Veroordeling hou die Messias uit. Hierdie mentaliteit is een wat ’n kerk verlam.
- Wanneer 'n mens in skuld gedompel, met onvermoë en diskwalifikasie, met die grootste skande en foute voor God se troon kom staan, staan jy voor die grootste storie. Genade breek los. Dit is juis dan wanneer genade ’n katalisator word vir die sonde en wat híéruit gebore word, is LEWE. Jy wil dit nie misloop nie!
Bid:
Here, dankie dat u genade losgebreek het oor my lewe. Dankie dat ek nie naak is nie, maar toe is onder u Genade. Dankie Jesus dat U my beklee met u kleed van geregtigheid. Amen
Bonus: Spreek Lewe!
‘n Gemeenskap van gelowiges, waar die Here se genade tasbaar tussen mekaar gekenmerk kan word (teenoor mekaar en teenoor verlorenes), bring bevryding vir ongereddes en open die hemel vir God om sy kragtige dade te openbaar!
Aanbidding:
Dag 4: Genade of waarheid?
Ons as Christene sukkel gewoonlik met genade en waarheid. Jesus was propvol genade en waarheid.
Hoekom is dit belangrik?
Genade en waarheid kan nie onafhanklik van mekaar staan in God se Koninkryk nie. Genade red en waarheid maak vry. As ons volgelinge van Jesus is, red Christus se genade ander mense, en Christus se waarheid maak hulle vry, deur ons. Wanneer jy Jesus volg, loop alles van jou oor van sy genade en waarheid: jou besittings, jou naam en alles van jou.
Waarheid: Die Woord sê nie dat waarheid lei na berou en bekering nie. Truth does not activate repentance. Loving-kindness leads to repentance. Truth sets free. Wanneer ons waarheid voor genade uitleef, word ons beterwetig, hoogmoedig en veroordelend. Jesus gee nooit waarheid voor genade nie. Jy kan nie oordeel en dan sê, “Ek is lief vir jou”, nie. Genade kom eerste en dan waarheid. Waarheid sonder genade lei na rebellie. Huisgesinne waar waarheid en reg die enigste tema en ervaring vir kinders word, sukkel byna altyd met rebellie.
Genade: Jesus hanteer nie net genade nie. Hy hanteer ook waarheid. Wanneer ons genade uitleef sonder waarheid, sê ons dat God vir almal lief is, en ons sukkel almal met sonde. Wie is jý om my te veroordeel? Genade sonder waarheid maak dat alles in verhouding is. Standaarde verskil na gelang van persoonlike voorkeure, gesprekke, doen en late, van oomblik tot oomblik of tussen kulture. Niemand mag vir my sê hoe om my lewe te lei nie. Dit maak nie saak wat jy glo nie, solank as wat jy opreg is en niemand seermaak nie. Maar, daar is geen definitiewe standaard nie. Ons het net genoeg met Jesus te doen om te voel ons is op die regte plek, maar ons het nie verhouding met Hom sodat Hy ons en ander se lewens verander nie.
Jesus kom vol genade en waarheid, waarvan genade eerste staan. Sy uitnodiging is aan almal wat sukkel. Sy genade red elkeen en sy waarheid maak elkeen vry!
Lees:
Mediteer:
- Jesus het nooit verwag dat mense moet verander voordat hulle met Hom kon assosieer nie. Hy sê nie, "Verander jou leefstyl en dan is jy welkom nie." Hy sê, “Jy’s welkom, en as jy deel word van wat ek doen, sal Ek jou verander”.
- Dink terug aan ’n tyd wat jy al God se “charis” in jou lewe ervaar het. Genade is “charis”. The loving-kindess of God. Dit is onverdiende goedheid en guns van God.
- Hoe kan jy heel word, en vry raak? God maak heel en heilig met sy genade. Heel metsy genade, en vry met sy waarheid.
- Dink aan die storie van die Barmhartige Samaritaan. Jesus vertel hierdie storie en in die Jode se oë is Samaritane soos honde in die samelewing. Tog vertel Hy hierdie storie om ons iets te leer. Wat leer ons van Jesus (God Self) uit die Samaritaan se optredes?
- Wat beteken hierdie vir jou? I desire mercy and not sacrifice (Mat. 9:12; Mat.12:7; Hos. 6:6)
Bid:
Here, u voorbeeld uit die geskiedenis tref my diep. Dankie dat U my ook so lief het en eerste aan my genade bewys, en dan U waarheid aan my openbaar. Dankie dat U my nooit kasty met waarheid nie, maar dat U my met U liefde en Gees bedien. Ek is lief vir U. Amen
Bonus: Spreek Lewe!
Loving-kindness will lead nations to repentance!
Aanbidding:
Unstoppable Love – Jesus Culture
Dag 5: Wat is waarheid?
Hoe verteenwoordig ons Christus op die regte manier, en hoe leef ons op so ’n wyse dat ons Jesus nie wanvoorstel nie?
Ons lei met genade en verkondig waarheid!
Die probleem in vandag se lewe met waarheid is dat mense skepties word daaroor — iemand wat dink hy ken die waarheid is arrogant en gevaarlik?
Ons dink waarheid is ’n stel reëls en regulasies. Ons dink ons het waarheid beet, maar dit is eintlik oordeel in ons harte.
Wat is waarheid?
- Waarheid is nie beperkend nie; dit onderdruk nie.
- Waarheid is bevrydend en lewegewend
- God se waarheid het nog altyd lewe, vryheid en volheid gebring
- Waarheid is ’n PERSOON! Hierdie waarheid het 2000 jaar gelede gekom! Moses het die wet gebring, maar genade en waarheid gee lewe. Jesus sê, “Ek is die Weg en die Waarheid en die Lewe!”
- Baie mense rondom ons rebelleer en weier om die waarheid te ontvang. Mense wat nie meer glo nie, rebelleer nie noodwendig teen Jesus nie, maar verwerp ’n verwronge idee van wie Jesus werklik is. Dit is as gevolg van ’n wanvertolking van die ware Christus. Wanneer ons verhouding met Jesus bou en Hom werklik ken, ken ons sy waarheid en kan ons Hom verteenwoordig, sodat ander mense die ware Jesus sal ken en vry raak.
Lees:
Mediteer:
- Ken jy iemand wat genade en waarheid nodig het?
- Hoe kan jy Jesus aan hierdie persoon voorstel sonder om dít te veroorsaak wat so dikwels gebeur: waar 'n las geplaas word, of onderdrukking en beperkinge verkondig word?
Bid:
Here, dankie dat ek totaal en al vry is van die las wat die wet op my geplaas het. Dankie vir u openbaring, en dat ek nou u genade kan uitleef en u waarheid kan verkondig waar ek gaan. Help my, asseblief, om U reg te verteenwoordig, en vergewe my vir die kere wat ek uit die wet gepraat het, of geoordeel het. In u Heilige Naam, Jesus, Amen.
Bonus: Spreek Lewe!
Ek is hier deur genade, en genade het my bevry!
Aanbidding: