Pressing On!
Eugene du Randt
Maak die wedloop klaar saam met Jesus!
Dag 1: Marathon
Die lewe kan benader word as 'n aantal naellope wat poog om by verskeie bestemmings uit te kom, óf as een lang marathon waar die fokus op die voltooiing van die hele wedloop is. Om met die verkeerde fokus die bestemmings en prestasies in hierdie lewe na te jaag, gee gewoonlik aan ons min of geen vervulling nie. Indien die lewe bedoel was om só geleef te word, het die Here ons nie gemaak vir 'n verhouding met Hom nie.
Vader God het mense gemaak sodat Hy saam met hulle 'n pad kon stap. Adam het hierdie persoonlike verhouding beleef toe hy saam met Vader God in die tuin gewandel het. Vader God se plan was dat ons met ons hele lewe 'n verhouding met Hom en sy Seun najaag, sodat ons die wedloop kan voltooi. Die perspektief-skuif vanaf 'n naelloop na 'n marathon beteken dat ons teleurstellings kan trotseer, want nou is ons fokus nie meer net op hierdie een kans ('n naelloop) om te presteer en te wen nie, maar om 'n baie groter uitdaging ('n marathon) te kan oorwin.
Die karakter van atlete word ook getoets, nie slegs deur hulle vermoë om te wen nie, maar deur hulle vermoë om die wedloop te voltooi. Die beste atlete is dié wat besluit om nie op te gee nie. Dit is mense met 'n kwaliteit wat ander mense kan inspireer. Hulle verstaan waarvoor hulle gemaak is en hulle gee hulle alles om daardie potensiaal te ontgin. Vader God wil jou leer dat jou beste lewe nie geleef word deur al die prestasies of suksesse wat jy kan behaal nie, maar deur elke uitdaging te kan oorkom en om die vermoë te ontwikkel om te volhard.
Lees:
Mediteer:
- Wanneer uitdagings oor jou pad kom, vind jy dit moeilik om in dit te volhard?
- Is daar tans iets in jou lewe wat jou ontmoedig om te probeer volhard?
Bid:
Vader God, U het bedoel dat ek met my hele lewe vir U lewe. Ek wil nie net fokus op watter sukses ek kan bereik nie, maar eerder om in hierdie lewe standvastig in Jesus te bly, wat ookal met my gebeur. Jesus, U het my gered en sal my nooit in die steek laat of verlaat nie. Help my om 'n goddelike karakter met uithouvermoë te ontwikkel. Ek prys u Here! Amen.
Bonus: Spreek Lewe!
Wanneer volharding in my lewe deur my vertroue in my God gevorm word, word ek verander om sonder gebrek en volkome heel te wees!
Aanbidding:
Dag 2: Terugblik of terug-lewe?
Laat dié dinge van jou verlede wat jou agterhou daar bly. (Leave the things behind which is keeping you behind).
Hebreërs 12:1 “Terwyl ons dan so 'n groot skare geloofsgetuies rondom ons het, laat ons elke las van ons afgooi, ook die sonde wat ons so maklik verstrik, en laat ons die wedloop wat vir ons voorlê, met volharding hardloop.”
Elke persoon het 'n storie. By die meeste mense is daar gebeurtenisse wat seer, pyn, verwyte, teleurstellings, sonde, onvrymoedigheid, ens. veroorsaak. Hierdie gebeurtenisse word een van die grootste afleidings vir ‘n lewe wat vorentoe kyk en op Jesus fokus. In die gespreke oor volharding moet ons dit wat in ons verlede is, gesond hanteer.
Wanneer die verlede begin om 'n mens se fokus op die hede te steel, raak dit moeilik om te volhard in die uitdagings wat ons nou beleef. Ons ervaar dalk vrees oor ons omstandighede of ons voel hopeloos omdat ons dink dat dinge weer sal uitdraai soos wat dit voorheen in ons lewens die geval was. Dit verhinder ons om vol te hou met 'n lewe van geloof.
Die gebeurtenisse in jou lewe wat steeds jou vrede en vreugde steel, kan jou selfs verhinder om God se wil te gehoorsaam. Vader God weet dat Hy aan jou sukses en guns kan gee, maar wanneer ons nie ons fokus kan verskuif vanaf die verlede na dit waarmee die Here nou besig is nie, kan ons nie die verandering in sulke situasies raaksien nie. Om die verlede te hanteer, beteken nie om daarvan te vergeet nie, maar om by Vader God genesing daarvoor te ontvang en om te begin om die goed wat Hy daaruit wil laat kom, raak te sien. In Romeine 8:28 moedig Paulus ons daartoe aan. Om ‘n sukses te maak van hierdie lewenswedloop, moet jy begin deur Vader God toe te laat om jou perspektief oor jou verlede te genees en te verander.
Lees:
Mediteer:
- Watter gebeurtenisse in jou lewe verhinder jou om vorentoe te beweeg?
- Het jy vrees oor jou toekoms weens dit wat in jou lewe gebeur het? Verhinder dit jou om op die Here te vertrou vir beter dinge in jou lewe?
- God wil nie hê jy moet vergeet van jou verlede nie. Sy doel is om uit jou verlede uit goed te laat gebeur wat nie net jou lewe gaan affekteer nie, maar ook die lewens van baie ander mense.
Bid:
Vader God, daar het goed in my lewe gebeur wat vandag besig is om my te affekteer. Soms verhinder dit my selfs om voluit vir U te lewe. Kom en werk saam met my deur hierdie gebeurtenisse en bring genesing vir my denke en in my hart. Heilige Gees, kom herinner my aan die Woord van my Vader wat waarheid oor my lewe word en my help om in enige omstandighede te volhard. Ek prys u Heilige Naam! Amen.
Bonus: Spreek Lewe!
Vader God verander al die slegte dinge van my verlede in dit wat lewensveranderend vir die toekoms sal wees!
Aanbidding:
Lay It All Down - United Pursuit
Dag 3: Paulus
Selfs een van die grootste geloofshelde in die Nuwe Testament het ook sy eie uitdagings met sy verlede gehad. Paulus was hoog geag onder die Fariseërs. Hy het hulle manier van lewe goed nagevolg en was so ywerig daaroor dat hy gelowiges se lewens geneem het. In sy missie ontmoet hy vir Jesus op pad na Damascus en hier hoor hy dat al sy aksies in sy verlede 'n geveg téén God was, terwyl hy onder die indruk was dat hy dit alles vír God gedoen het.
Hierdie ontdekking kon hom platgeslaan gelaat het. Dit kon hom verhinder het om vorentoe te strewe na 'n sinvolle en vervullende lewe. In sy groot genade red Jesus vir Paulus van sy verlede en gee aan hom 'n nuwe missie: om te lewe vir God se koninkryk in die naam van Jesus Christus. Die oomblik toe die Here betrokke raak en vir Paulus deur genade en vergiffenis genesing vir sy dade bring, het Paulus se lewe 'n radikale verandering ondergaan.
Ons lees verder van 'n man wat verskriklike teenkanting ervaar en uiters moeilike omstandighede in die gesig staar, maar elke keer met oorwinning daar uitstap. Wanneer hy met die dood gedreig word, verklaar hy dat dit vir hom 'n wins sal wees. Nadat hy gestenig word maar aanhou lewe en opstaan, gaan lewe hy verder vir Jesus. Wat het hom toegelaat om te volhard?
In Filipense 3:13-14 sê Paulus vir ons wat sy geheim is. “Broers, ek verbeel my nie dat ek dit alles al het nie. Maar een ding doen ek: ek maak my los van wat agter is en strek my uit na wat voor is. Ek span my in om by die wenstreep te kom, sodat ek die hemelse prys kan behaal waartoe God my geroep het in Christus Jesus.”
Paulus doen die volgende:
- Hy verskuif sy fokus vanaf die verlede na dit wat voor hom is, naamlik Jesus waarin hy sy hoop vind.
- Verder volhard hy om die wenstreep te bereik sodat hy dit kan voltooi dit waartoe God hom in Jesus Christus geroep het.
Lees:
Mediteer:
- Fokus jy op die verlede of op dit waarvoor God jou geroep het om te doen?
- Struikel jy om te weet waarvoor jy geroep is? Vra vir God om vir jou die pad te wys wat Hy vir jou lewe bepaal het.
- Jesus is 'n baken van hoop wat altyd sigbaar is. As jou fokus op Hom ingestel is, kan jy nie wankel nie, soos daar in Hebreërs 12:3 belowe word.
Bid:
Vader God, dankie dat U vir my 'n pad voorberei het vir my toekoms. Dankie dat ek nie sonder hoop is nie, maar dat u liefde en genade my genees en verander. Jesus, ek stel my fokus in op U en strek uit na 'n lewe wat vir U gelewe word. Versterk my deur u Gees en help my om te volhard in al my omstandighede. Ek prys U, Here! Amen.
Bonus: Spreek Lewe!
Jesus is 'n onwankelbare baken van hoop. Ek kan my oë op Hom vestig en self nie meer struikel nie!
Aanbidding:
Dag 4: Fokusdiewe
Om in die wedloop te volhard sodat ons die wenstreep kan bereik, moet ons gefokus bly. Atlete wat afgelei word deur die ander atlete wat saam met hulle op die baan hardloop, loop die grootste risiko om die wedloop te verloor. Sonder fokus is volharding 'n baie moeilike oefening. Fokus help jou om moed te hou en hoop te vind in die Een waarop jy fokus.
In hierdie wêreld is daar so baie dinge in ons lewens wat probeer om ons fokus te steel. Die grootste fokusdiewe in ons lewens is:
- Om in die verlede te leef. Ons moet ons fokus wegskuif van dit wat verby is. Hanteer dit en vra vir die Here om vir jou genesing te bring. Begin dan fokus op dit wat Vader God vandag vir jou wil doen, asook wat Hy in jou toekoms wil begin doen. I am not looking back because I am not going that way.
- Die opinies van ander mense. Maak seker dat jy na die regte stem luister. Opinies van mense is nie noodwendig in ooreenstemming met Vader God se opinie en woord nie. Leer om Jesus se stem te hoor en te fokus op God se waarheid.
- Bagasie wat ons saamdra. Lê die laste af (Heb. 12:1-2). Jesus vervang alle laste met sy las wat lig is. Hy nooi jou om jou las vir Hom te gee en sy las te ontvang (Mat. 11:28-30). Gee oor aan die Here deur te begin om alles wat jou lewe beïnvloed met Hom te deel. Kry ook iemand in jou lewe wat jy vertrou en met wie jy alles kan deel, en wat saam met jou kan bid en op die Here vertrou.
- Wanneer ons dit wat ons het nie raaksien nie en aanhou soek na dit wat ons nie het nie. Hou op om jou met die mense rondom jou te vergelyk. Dankbaarheid vir dit wat jy het, help jou om vergenoeg te voel oor jou omstandighede. Iemand wat nie besorg is daaroor om die dinge te verkry wat hulle nie het nie, kan fokus op dit wat die Here in hulle lewe doen.
Stop die fokusdiewe in jou lewe. Fokus op dit wat die Here reeds vir jou afgehandel het, asook dit waarmee Hy nou in jou lewe besig is en word deel daarvan. Dit is die roete na vervulling, en vervulling is 'n groot motiveerder vir volharding.
Lees:
Mediteer:
- Is daar iets wat besig is om jou fokus te steel? Indien ja, wat is dit?
- Struikel jy om vryheid te kry oor 'n las wat jy op jouself geneem het of wat jy voel ander mense op jou gelaai het?
- Jesus word die draer van laste. Die vrede wat kom deur die Heilige Gees wanneer ons in Jesus lewe, verwyder die las en vervang dit met Jesus se las wat maklik is om te dra.
Bid:
Vader God, ek erken dat daar fokusdiewe in my lewe is. Help my om my fokus na U toe te verskuif. U het antwoorde vir alles. Ek wil die laste wat ek dra ook voor U kom neerlê, Jesus. Kom en vervang dit met ‘n ligte las. Dankie dat ek deur U die verandering kan sien wat in my lewe gebeur. Ek prys u Heilige Naam, Jesus! Amen.
Bonus: Spreek Lewe!
Jesus se las is lig en sy juk is sag. Al die swaar laste wat ek ervaar, kan oorgehandig word!
Aanbidding:
Run To The Father - Cody Carnes
Dag 5: Volharding se beloning
“Consider it nothing but joy, my brothers and sisters, whenever you fall into various trials. Be assured that the testing of your faith [through experience] produces endurance [leading to spiritual maturity, and inner peace]. And let endurance have its perfect result and do a thorough work, so that you may be perfect and completely developed [in your faith], lacking in nothing.” Jakobus 1:2-4 AMP
Waarom is daar so baie geskrifte en skrywers wat gaan oor volharding in geloof? Vader God het geweet dat ons uitdagings in die gesig gaan staar en Hy wou ons motiveer om aan te hou en deur te druk, want daar is 'n beloning vir diegene wat in geloof die toets deurstaan. Die skrywers van die Nuwe Testament het ook die hoop daarin ontdek wat hulle toegelaat het om gevangenisskap, vervolging en selfs die dood te trotseer vir die beloning wat God belowe.
“Want enigeen wat 'n kind van God is, kan die sondige wêreld oorwin. En die oorwinning wat ons oor die wêreld behaal het, is deur ons geloof.” 1 Johannes 5:4 AFR83
Daar is 'n rede waarom ons kan volhard, want ons geloof is ons oorwinning in hierdie sondige wêreld. In geloof ontdek en ontvang ons alles wat Jesus vir ons deur die kruis en sy opstanding gegee het. Die grootste geskenk, die Heilige Gees, ontwikkel 'n vreugde en 'n vrede in ons harte wat ons bemagtig om al ons uitdagings te oorwin. Daar is ook praktiese raad wat ons kan help om te volhard:
- Stel Jesus eerste - Roem in sy afgehandelde werk. Wees dankbaar vir dit wat Hy klaar afgehandel het, want wanneer ons herinner word en dankbaar is vir wat God vir ons gedoen het, kan ons begin om sy plan vir ons toekoms te sien (Psalm 106:13 AFR83).
- Bly fiks - Gesondheid is belangrik, maar nie so belangrik soos geestelike fiksheid nie (1 Timoteus 4:8 AFR83). Oefen jou gees. Lewe in toewyding tot God en mediteer oor sy woord en waarheid.
- Aanbid in jou situasie - Ons is tot alles in staat deur Christus wat ons krag gee (Filippense 4:12-13 AFR83). Aanbidding is nie bedoel vir goeie seisoene nie. God is waardig om aanbid te word in ALLE omstandighede en om Hom te aanbid wanneer dit moeilik gaan, versterk jou geloof en vernuwe jou hoop.
- Bly afhanklik van die Here - Diegene wat op die Here vertrou, kry nuwe krag (Jesaja 40:29-31 AFR83). Skuif alles anders opsy ter wille van 'n verhouding met God. As Hy eerste in jou lewe is, kan alles begin om sin te maak en geseënd te wees.
Lees:
Mediteer:
- Hoe baie hoop het jy in jou hart?
- Wat blus die hoop in jou lewe?
- Wat kan jy na die Here toe bring en waarvoor kan jy op Hom begin vertrou?
- Hoe lyk jou persoonlike aanbidding? Is daar tye wat jy gebruik om die Here te aanbid waar jy nie tussen ander mense is nie?
Bid:
Vader God, ek bely dat ek nie altyd van U afhanklik van is nie. Ek wil opnuut vir alles in my lewe my vertroue in U plaas. Ek wil myself ook belyn met U wil vir my lewe en gehoorsaam wees aan dit wat U van my vra. Dankie dat ek in U die krag het om deur alles te volhard. Jesus, gee vir my die krag wat ek nodig het. Ek loof en prys u Heilige Naam, Jesus! Amen.
Bonus: Spreek Lewe!
Ek is tot alles in staat deur Jesus wat vir my die krag gee!
Aanbidding: