‘THE MISSION’
Neville Goodchild
God het hierdie wêreld lief
Dag 1: My missie in lyn met Jesus Christus se missie
‘n Missie word omskryf wanneer die volgende twee vrae geantwoord word: ‘Wie is ek?” en ‘Wat maak ek hier?’ Dit is die kern vrae waarop elkeen van ons die antwoorde soek. Die enigste manier om ‘n hoopvolle toekoms te kan hê, is wanneer my missie spruit uit my identiteit in Christus Jesus en belyn word met Jesus Christus se missie.
In Rom. 8:15-17 sien ons dat God ons Vader is en ons is Sy kinders. Die Heilige Gees getuig saam met ons gees van diè waarheid. Ons leef dus uit die vaste oortuiging dat ons kinders van God is.
Jesus is God die Vader se enig-gebôre seun en ons is ook God se kinders en mede-erfgename.
Jesus se lewe op aarde en Sy missie is dus die perfekte raamwerk vir ons lewe en missie op aarde in die Koninkryk van God. Ons kan dus Jesus se lewe gaan bestudeer soos dit beskryf is in die vier evangelies en dan ons missie belyn met Jesus se missie. Dan sal ons vervulde lewens hê, omdat ons aansluit by die werk van God.
LEES:
Mediteer:
- Voel jy vervuld?
- Wat sal jou antwoord wees op die vrae; “Wie is ek?” en “Wat maak ek hier?”
- Kan jy Jesus se missie verwoord?
- Hoe sou jy Jesus se missie beskryf? Wat was sy doel?
Bid:
Vader wil U self my kom leer deur U Gees wat U missie is met die mensdom. Help my om U hart te verstaan. Leer my in hierdie week hoe om U missie te verstaan en daarby aan te sluit. Amen.
BONUS: SPREEK LEWE!
My vervulling lê in om by Vader en sy missie aan te sluit. Dit is vervulling.
Aanbidding:
No Longer Slaves (Official Lyric Video) – Johnathan David and Melissa Helser | We will not be shaken
Dag 2: God roep jou na die wêreld buite jou deure en vensters
Elke mens is geneig om alles wat buite beheer is en ongemak veroorsaak in hulle lewe, so gou as moontlik onder beheer te bring en dan weer in ‘n gemaklike roetine te leef. Ons hou van ons wêreld wat bekend is, gemaklik is en wat nie te veel buite die gewone raamwerk van my verwag nie.
Die stem van God wat ons roep tot diens in die koninkryk van God sal ons altyd roep uit ons gemaksone uit na ‘n wêreld buitekant ons deure en vensters. God roep ons gewoonlik na ‘n gebrôke wêreld, waar die onbekende is en waar ons baie keer met ongemaklike en moeilike situasies gekonfronteer word. Ons word geroep om grense oor te steek en weg te beweeg van die plek waar alles onder beheer is. God se roeping sal ons altyd verder en verder vat van die bekende en nader en nader aan God se wil.
Saulus van Tarsus was ‘n wetsgeleerde wat die gelowiges vervolg het as ‘n gesant van die regering. By Damaskus het Saulus tot bekering gekom en het die naam Paulus ontvang. Daarna het hy Paulus van Jerusalem geword en toe Paulus van Judea. Paulus het toe in Rome by die regering van die dag en uit die gevangenis die evangelie versprei. Solank as wat ons asem het sal God ons bly verder en verder roep. God roep ons na die gebrôke wêreld buite ons deure en vensters.
Party mens hou daarvan om nuwe goed en plekke te ontdek en party hou daarvan om nuwe uitdagings aan te pak. Dit is twee van die eienskappe van kinders van God. Wanneer ons soos Jesus leef, dan soek ons altyd nuwe grondgebied en is ons oorgehaal om uitdagings te oorkom om die evangelie te versprei.
Lees:
Mediteer:
- Raak stil en dink aan jou eie leefwêreld, het jy ook ‘n gemaksone waarbinne jy opereer?
- Maak jou oë toe en dink aan die wêreld buite jou gemaksone of buite jou deure en vensters.
- Wat en wie sien jy daar?
- Is daar mense in hierdie prentjie wat Jesus, redding of hulp nodig het?
- Vra Vader om jou te wys.
Gebed:
Dankie Vader vir my eie redding. Vader ek besef daar is ‘n verlore en stukkende wêreld daar buite wat U dringend nodig het. Vader help my om ‘n hart te ontwikkel vir die wêreld buite my deure en vensters. Heilige Gees lei my in gehoorsaamheid na hierdie wêreld. Amen.
Bonus: Spreek Lewe!
God roep my en jou na ‘n gebrôke wêreld.
Aanbidding:
Carika Keuzenkamp – Saggies en teer (Official Audio)
When You Call – A Worship Song of Faithful Obedience to God’s Call
Dag 3: God het hierdie wêreld lief
'16Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê. ' JOHANNES 3:16
Ons kan onsself dalk afvra of God werklik die wêreld kan liefhê in die toestand waarin die wêreld is. Daar is oorloë. Daar is sosiale en morele verval. Dit wat ons kan sien is iets afgrysliks. Daar is natuur rampe wat die wêreld tref. Daar is Christene wat vervolg word en groepe mense wat verdruk word. Daar is lande met ekstreme hongersnood en werkloosheid. Die statistieke sê dat 1 uit 10 mense het nie toegang tot skoon drinkwater nie.
Ons kan dink dat God dalk net die kerk lief het en nie die wêreld kan lief het nie. Dit is egter nie God se hart nie. Hy het waarlik die wêreld baie lief. God is nie ‘n mens dat Hy kan verander nie. God het nog altyd die wêreld lief gehad en sal altyd die wêreld liefhê.
Die mense wat op die aarde woon kan in twee kampe ingedeel word. Die wat gered is en die wat verlore gaan. Die wat verlore gaan is die mense wat nie vir Jesus aangeneem het as hulle verlosser nie en wat nie hulle lewe oorgegee het aan God nie. God se hart is juis by hulle. Jesus vertel die gelykenis van die skaap wat verlore is en die munt wat verlore is. Die stories vertel van die hart van God. Hy het gekom vir die verlore is. Hy is in die kamp van die wat gered moet word.
Joh. 3:16 sê dat God Sy Seun gestuur het sodat iets nie ‘mag…’ gebeur nie. Niemand mag verlore gaan nie. Dit is God se hart. Hy is so lief vir die gebrokenes van hart, vir die verdruktes, vir die verlorenes dat Hy sy enige gebôre seun gegee het. Dit is waar God hom skaar. Die wat gered is, is in God se span. Hulle werk saam met God mee om die wat verlore is na God te lei en die evangelie na hulle te neem.
Dit is belangrik om te weet dat God hierdie wêreld baie lief het en nie net die wat gered is en die kerk nie. Ons moet dit weet, want ons moet ons hart belyn met dit waarmee God besig is en ons moet alles gee, soos God alles gee, dat elke mens nie verlore mag gaan nie, maar die ewige lewe kan hê.
Lees:
Mediteer
- Het jy al by jouself gedink dat God nie die wêreld kan liefhê soos wat dit nou lyk nie?
- Dink biedjie na oor die liefde van God vir die wêreld en bid dat die Heilige Gees aan jou die volheid van God se liefde sal openbaar.
- Lees weer 1 Kor. 13 wat gaan oor die liefde en toets jouself aan hierdie definisie van die liefde as jy dink aan die wêreld.
- Vra dat God deur die Heilige Gees jou bedien en help om jou hart te belyn met God se hart en visie vir hierdie wêreld.
Bid:
Vader help my om te groei in my Christenskap en om my hart ten opsigte van die wêreld, en spesifiek die verlorenes, te belyn met U onbeskryflike liefde. Help my om alles in die stryd te werp om mee te werk dat niemand mag verlore gaan nie. Amen.
Bonus: Spreek Lewe!
God het hierdie gebroke wêreld onbeskryflik lief.
Aanbidding:
Jenn Bostic – “Wrapped” (Official Video)
Megan Woods - The Truth (Official Music Video)
Dag 4: Jesus se koms is die sperdatum
'9 Die Here vertraag nie die belofte soos sommige dit vertraging ag nie, maar Hy is lankmoedig oor ons en wil nie hê dat sommige moet vergaan nie, maar dat almal tot bekering moet kom. ' II PETRUS 3:9
Hoe baie keer hoor ons dat gelowiges sê dat as mens na die wêreld kyk is dit duidelik dat die einde van die wêreld naby is. Ander bid dat Jesus weer moet kom, omdat hulle gered is en nie kans sien om verder hier op aarde te bly nie. Hulle voel dat dit vir hulle beter sal wees by God die Vader in die hemel as wat dit hier op die aarde is.
Die boodskap wat ons egter kry in 2 Petrus 3:9 is dat God die wederkoms uitstel, sodat party nie verlore sal gaan nie, maar dat almal tot bekering moet kom. ‘Moet….’ Nie dalk party as hulle so voel nie. God se hart is dat almal tot bekering moet kom en dit is die rede waarom Hy die wederkoms uitstel.
Ons moet besef dat God se motief om die wederkoms uit te stel gaan daaroor dat Hy die wêreld, elke liewe mens op aarde, so lief het dat Hy wil hê dat almal gered moet word. As kinders van God het dit ‘n sekere implikasie. Ons kan nie, omdat ons weet dat ons gered is, nou agteroor gaan sit en wag vir die wederkoms nie. Hierdie skrifgedeelte is ons oproepinstruksies. Dit is waarmee God besig is en dit is waar ons by God moet aansluit. Ons tyd is beperk en Jesus se wederkoms is die sperdatum. Almal moet bereik word met die evangelie en moet na die Here gelei word en geleer word om dissipels van God te wees. Dit is ons mandaat en dit is waarmee ons moet besig wees. Hoe vinniger Jesus kom hoe vinniger is ons tyd verby om dit te doen waarvoor God ons geroep het.
Indien jy op hierdie oomblik dink aan die omgewing waarin jy funksioneer en daar is nie mense om jou wat getuig dat hulle verlore was en nou is hulle gered nie, mense wat getuig oor dit wat God in hulle lewens doen en wonderwerke wat rondom jou gebeur nie, is jy nie in die plek waar God besig is om te beweeg nie. Daar waar God besig is, is mense besig om tot bekering te kom. Daar is genesings en wonderwerke wat plaasvind, lewensverandering en getuienisse van die grootheid en die goedheid van God. God is elke oomblik van elke dag besig om groei en verandering in lewens te bring.
Lees:
Mediteer:
- Is jy in ‘n omgewing waar jy beleef dat mense is besig om tot bekering te kom en waar julle saam bid vir wonderwerke en dit sien gebeur?
- Laat die bewustheid daarvan dat Jesus se koms is die sperdatum vir mense om tot bekering te kom, jou strategies raak om meer mense na die Here te probeer lei?
- Hoe voel jy oor die feit dat die Woord sê dat elke mens tot bekering moet kom? Dit is wat God wil hê. Daar is nie een mens op die aarde wat nou leef of wat nog moet leef wat uitgesluit is uit die reddingsplan van God nie.
Bid:
Abba Vader, Jesus Christus en Heilige Gees dankie vir U kosbare liefde en vir die voorbeeld van volmaakte liefde wat die moeite werd is om na te volg. Help my Here om te bid, vas en te gee met alles in my. Bewaar ons geliefdes van alle kwaad en lei my elke dag in U liefde Heer. Amen.
Bonus: Spreek Lewe
Liefde onbeskryflik groot het U aan my bewys.
Aanbidding:
Matt Redman – The Praise is Yours (Live from the Mission)
Dag 5: God het ‘n plan. Jy is God se plan.
God het ‘n plan. God het nog altyd een plan gehad. Ons het gesien dat God se plan is nie die wederkoms van Jesus Christus nie, want dit is die sperdatum. Nou wat is die plan van God?
'9Maar julle is 'n uitverkore geslag, 'n koninklike priesterdom, 'n heilige volk, 'n volk as eiendom verkry, om te verkondig die deugde van Hom wat julle uit die duisternis geroep het tot sy wonderbare lig, ' I PET. 2:9
Hierdie geslag is die uitverkore geslag. Elkeen wat nou asemhaal en God dien is die antwoord vir hierdie wêreld. Nou is die vraag: ‘Uitgekies om wat te doen?’ ‘n Koninklike priesterdom:
- Koninklik – dui op outoriteit en gesag. God het vir ons gesag gegee om mee te heers op aarde.
- Priesterdom – dui op geestelike leierskap. Ons is geroep om geestelike leiers te wees.
- Heilige volk – geroep om heilig te lewe en heiligmaking na te streef.
- Verkondig – getuig daarvan dat ons eens verlore was en dat ons gered is uit die duisternis en geroep is na die wonderbare lig van God.
In ‘n neutedop is ons nou die uiverkore volk wat vir die wêreld konings en profete moet wees. Ons moet heers en geestelike leiding gee in hierdie wêreld en die wêreld lei in heiligmaking. Ons moet getuig dat ons ook eens in die duisternis was en dat God ons kom red het uit die duisternis en gebring het tot in sy wonderbare lig. Ons moet eenvoudig die evangelie van redding verkondig aan die wêreld wat nou so gebroke en verlore is. Ons moet die draers van hoop wees in hierdie wêreld. Ons dink aan hierdie wêreld as verlore en boos en sou dink dat God hom sou distansieër. God sien ons egter as ‘n heilige volk.
'19Want die skepping wag met reikhalsende verlange op die openbaarmaking van die kinders van God. ' ROM. 8:19
Waar is die kinders van God? Die wêreld en alles in die wêreld smag en verlang daarna dat die kinders van God openbaar gemaak word. Wat beteken dit? Die wêreld het nodig dat die uitverkore geslag, die kinders van God, opstaan en hulle mandaat vervul. Dit is waarna die wêreld smag. Die kinders van God is die antwoord vir ons gebroke wêreld. Ons het nodig om die gebroke wêreld se wonde te verbind, lig en sout te wees, die evangelie te verkondig, God se lig te laat skyn op aarde, te lei in geestelike groei en versorging. Dit klink oorweldigend, maar God het ons die Heilige Gees gegee om ons te help en te lei in al hierdie dinge.
Lees:
Mediteer:
- Voel jy dat jy nie waardig is om deel te wees van God se missie nie? Vader wil jou gebruik ten spyte van jou verlede. Jy is gekwalifiseerd omdat jy in Christus is.
- Vader het nie ‘n ander plan om die wêreld te bereik nie, hy wil jou gebruik. Sela(wees stil en dink hieroor).
- Wie wag vir jou om as Kind van Vader bekendgemaak te word? Sela
- Skryf name neer en besef dat hulle wag vir jou.
Bid:
Dankie Vader dat U my waardig ag om deel te neem aan U missie met die wêreld. Vader wil U my hart aanraak om ‘n hart te hê vir verlore mense. Vader gee my liefde vir ‘n stukkende wêreld. Vader wys my spesifieke mense by wie U wil hê ek moet betrokke raak. Amen.
Bonus: Spreek Lewe!
Joh 3:16 “want so lief het God die wêreld gehad dat Hy sy enig gebore seun gegee het sodat die wat in Hom glo nie verlore mag gaan nie maar die eweige lewe sal hê”
Aanbidding:
Casting Crowns – Start Right Here (Single Version) (Official Lyric Video)